ҚАЛА ӘКІМІ АВАНГАРДТАҒЫ ТӨТЕНШЕ ОҚИҒА ЖӘНЕ ТҰРҒЫНДАР ҚАЛАШЫҒЫНДАҒЫ ӨРТКЕ БАЙЛАНЫСТЫ ЖАҒДАЙМЕН ТАНЫСТЫ

Атырау қаласының әкімі Данияр Таханов Авангард шағын ауданында орын алған төтенше оқиғаға және Тұрғындар қалашығы шағын ауданындағы өртке байланысты оқиға орындарына барып, жағдаймен танысты.

Авангард шағын ауданындағы оқиғаға қатысты Төтенше жағдайлар басқармасы мен Полиция басқармасы тарапынан мән-жайды анықтау бойынша тиісті тексеру жұмыстары жүргізілуде.

Ғимарат иесі келтірілген шығынды толық өтейді. Қазіргі уақытта зақымданған терезелердің өлшемдері алынып, оларды қалпына келтіру жұмыстары екі мердігер мекеме тарапынан жүргізілетін болады.

Оқиғалардың мән-жайы анықталып, тиісті жұмыстар қолға алынған.